♥ حيِـآتيِ آلخآآصةة ♥

انا من يوم اني صغيره ..ما امشي الا مع ناس اكبر مني والى الان ..
حريم كبار ..عندهم احفاد..حريم متزوجات ..
بنات اكبر مني بسنين ..
انا شخصيتي الى الان عجزت افهمها ..
احب امشي مع الناس الي لهم راي ..
يعني مرات اكون شخصيه انقياديه ومرات تابعه..
حتى بالابتدائي داقه زماله مع معلمات وخالات ..
في المتوسطه ايام مراهقتي ..عديت المرحله هذي بكل سهوله لاني من يوم انا صغيره ..
الكبار ينصحوني ويوجهوني ..
لدرجة الاغلب كان يديني عمر اكبر مني ..ليش؟؟عشان اجالس كبار ..
..وعقليتي وكلامي مو قد سني..
عندي مشكله والى الان انا فيها ..
عديت مرحلة المراهقه..وما كنت احب حركات نص كم الي البنات يسوها ..كنت صراحه احتقرهم..
اهم شيء السمعه ان اهتزت فمع السلامه ..
لين ما حصل لي موقف ..قبل سنه وكم شهر ..
انا انخطبت كدا مره والرفض كان من قبل الاهل او مني ومنهم..
وطبعا كلهم عزاب ..
الا واحد متزوج جا لاخويا شهرين وهو يقولو ابغا منكم..
لين اخويا سالو عن مواصفات لو يبغا معينه قالو ابغا الصفه الفلانيه الوحيده ..
وطبعا كانت فيا ..
انا لمن سمعت مواصفاتو رفضت لانو متزوج وعندو بزوره ومدخن وتاجر يعني على طول مسافر ..
بس يمكن شفعني بيه عمرو ..كان عمره 35سنه وانا 22..
انا احب الرجال يكون عمرو من 29لين 35احس يكون متفهم وناضج ..
ورزين اكتر ..لانو من صغري احب شخصيات الكبار ومجالستهم..
استختر وارتحت طبعا حصل الشوفه ونا كنت جدا مرتبكه وخايفه ..
ولمن شفتو انصدمت جدا ..
كان وسيم مايبان عليه عمره ..
انتظرنا ردو كم يوم وما ادانا خبر مره سافر والمره التانيه سالو اخويا قال لسى ماستخرت وسالو مره تانيه
قال عندي مشاكل مع زوجتي ومره مزنزووق ..
المهم عرفنا مايبغى ومستحي بالرد..
طنشنا ..بس انا هنا اتغيرت 180 درجه ..
رجعت اسوي حركات المراهقات ..دوبها بدات عندي المراهقه من عمر 22 ..
ليش مدري؟؟
لانو يمكن الوحيدالي اتعلقت بيه ورفضني ..
انكسرت مرره ..بس ابد مابينت لاحد ..
تمنيت ما طليت وشفتو بالنظره وغضيت بصري..
بس قدر الله ماشاء فعل ..وهذا كان نصيبي..
وربنا اكيد اختار الخير لي..
بس الى الان اعاني من تصرفات انا ابد ماكنت احب اسويها ..
سرت اعمل اشياء وحده في تالت متوسط ..
طبعا احاول بقدر الامكان ما ابين ..
بس اش اسوي غصب عني ..
مره وحده من خواتي قالت لي انتي تغيرتي مره ..
قلت لها من بعد الشوفه انا مره اتغيرت ..ونا داخليا حزينه مره ..
انخطبت بعدها بس سالنا وبرضو رفضنا ..
الخطاب الي انرفضو كان باسباب ..
كتبت تجربتي يمكن احد يوجهني او ينصحني لاني من جد تعبت..
انا مستغربه ..من تحولي وفجاه بدات المراهقه تدب بي..

منقووووووووووووووول للاستفاده منـه

شكرا على الموضوع الجميل
جزاك الله الف خير
على كل ما تقدمه لنا
ننتظر ابداعاتك الجميلة

♥ حيِـآتيِ آلخآآصةة ♥

مشُآگلُگ لُآ سمحٍ آلُلُہ

مرآهقتي المتآخره ؟؟